Mezeŭropo estas mia hejmo

Projekto "Mezeŭropo estas mia hejmo" estis por mi instrua kaj tre amuza sperto. Ĝi okazis en Kostrena de la 31-a de aŭgusto ĝis la 8-a de septembro 2002. Partoprenis mezlernantoj el kvin landoj: Ĉeĥio, Aŭstrio, Pollando, Germanio kaj Kroatio.
Komence ni provis defini terminon Mezeŭropo. Ni konstatis ke tiu termino ne signifas saman en ĉiuj niaj landoj, t.e. la geografia termino "Mezeŭropo" estas multe pli vasta ol la kultura. Ni eksciis multajn geografiajn kaj historiajn faktojn pri landoj el kiuj ni venas kaj ion pri nia komuna historio. Ni interparolis pri konataj personoj, simboloj kaj karakterizoj de ĉiuj landoj.
Wolfgang prezentis Bavarion el kiu li venis, kiel landon de ne nur bona biero sed nuntempe ekologie la plej pura regiono en Germanio kun gravaj historiaj vidindaĵoj. Judith prezentis Aŭstrion kiel landon de konataj komponistoj, lando de edelvejso. Ŝi eĉ portis al ni ĝiajn semojn kaj ni povas vidi kiel ili aspektas kaj ni ĉiuj miris ke oni povas kulturi tiun planton ankaŭ hejme, sed unue la semoj devas en fridujo! Daša prezentis Ĉehion kiel lando kun multaj konataj bierfareroj kaj kulturaj famaĵoj, kiu en epoho de reĝo Rudolfo estis la ĉefurbo de Habsburga Monarkio. Adam fiere prezentis Pollandon kiel naskiĝlandon de Ludvig von Zamenhof. Ni aŭdis ĝian himnon, konatiĝis kun la flago, aŭskultis la dancon "Krakowich".
Dum la renkontiĝo ni ankaŭ lernis bazajn frazojn kaj interesajn aferojn pri lingvoj de landoj el kiuj ni venis. Ekzemple, Daša instruis ĉeĥan, Wolfgang kaj Judith konigis germanajn kaj variaĵojn en Aŭstrio kaj Germanio. David kaj Darko enkondukis la kroatan lingvon.
Preskaŭ ĉiuj de ni montris niajn apartajn kapablojn. Adam mirigis min per siaj eksterordinaraj aktoraj kaj recitkapabloj kaj memoro. Li recitis longan poemon pri senmemora elefanto de la pola poeto Julian Tuwim kaj aktoris parton de prezentaĵo "Ruza vulpo". Wolfgang mirigis min per sia scio pri geografio kaj historiaj faktoj, Daša pri kuiristaj kapabloj: ŝi portis al ni mezeŭropajn kukojn kiuj ŝi mem preparis. Kukoj kaj manĝkutimoj similas en Mezeŭropo. Judith mirigis ĉiujn per artikolo kiu ŝi skribis pri mi, post intervjuo kun mi. Matea montris al ni iujn bazajn paŝojn kaj teniĝon ĉe latinoamerikaj dancoj. Mi montris miajn matematikajn kapablojn kaj recitis kelkajn miajn versojn.
Ni havis ŝancon trarigardi belecojn de Opatio kaj Rijeka sed ni ankaŭ vizitis belegan pilgrinejon Trsat. Ni multe serĉis, naĝis kaj amuzigis. Dum la renkontiĝo mi pliperfektigis mian Esperanton, kiu estis nia komuna lingvo dum niaj adriatikaj mezeŭropaj tagoj!

Goran Lakotić